5 Kompani anëtare të Shoqatës PePeKo janë në një mision të rëndësishëm të shitjeve në Zvicër, duke filluar me takime të suksesshme me Maestral dhe R&M në Zurich. Duke vazhduar takimet me përfaqësuesit e Spar Supermarkt Gjergjaj & Co në Basel dhe R.B Import Export GmbH në Riehen, diten e djeshme filluan me takimet tek Peja Products dhe Kosova Market 2 në Gjermani.

Pjesëmarrja në këtë mision shitjesh në Zvicër dhe Gjermani ofron një shans të jashtëzakonshëm për kompanitë e eksportit nga Kosova për të eksploruar tregje të reja dhe për të identifikuar klientë potencialë. Kjo mundësi jo vetëm që do të ndihmojë në zgjerimin e bazës së klientëve, por gjithashtu do të lejojë ndërtimin e marrëdhënieve të reja dhe partneritete me profesionistë të biznesit dhe liderë të industrisë në Zvicër dhe Gjermani.

Këto vizita janë mundësuar nga partneriteti i shoqatës së Përpunuesëve të Pemëve dhe Perimeve (PEPEKO) dhe Caritas Switzerland in Kosovo përmes programit “#EREA“